Mga isyu para maibalik ang peace talks sa CPP-NPA-NDF sinisikap na maiayos

Sisikapin ng mga negosyador ng gobyerno na ma-plantsa muna ang mga isyung dapat ayusin sa pamamagitan ng back channel talks bago muling bumalik sa formal Peace talks sa CPP NPA NDF.

Sinabi ni Presidential Adviser on the Peace Process Jesus Dureza na  mayruong mga isyu at hamong kinakaharap ang OPAPP kaya sinisikap na maging maayos ang lahat bago muling ipagpatuloy ang nasuspinding 5th round ng Peacetalks sa kilusang komunista.

Susundin aniya nila ang direktiba ng Pangulong Rodrigo Duterte na wala munang Peacetalks hanggat hindi tumitigil ang mga rebelde sa kanilang extortion activities at pag atake sa mga tropa ng pamahalaan.

Ayon kay Dureza inaayos pa ang back channel talks kayat hindi pa masabi kung saan at kung kailan ito gagawin.

By: Judith Larino / Aileen Taliping

Comments

comments