Pansamantalang isasara ng Research Institute for Tropical Medicine (RITM) ang kanilang mga laboratoryo sa November 1 at November 2 bilang paghahanda sa paparating na bagyo.
Ayon sa RITM, ito’y bilang paghahanda nila para sa implementasyon ng disaster risk mitigation measures sa buong institute.
Paliwanag ni RITM Director Celia Carlos, hanggang Oktobre 31 na lamang sila tatanggap o magte-test ng samples mula sa iba’t-ibang disease reporting units (DRU’s), mula alas-7 ng umaga hanggang alas-10 ng umaga.
Tatanggap pa rin naman ang RITM ng outpatient swabbing at walk-in pero tanging ang mga pasyenteng may COVID-19 lamang ang maaaring i-admit sa ospital.