Namahagi ang Department of Agriculture sa mga farmers association (FA) ng libreng binhi ng mga mais sa ilang bahagi ng CALABARZON.
Ito’y upang mapalakas ang pag-ani ng mga mais sa naturang rehiyon.
Ayon sa DA-4A, namahagi sila ng aabot sa 300 kilograms na hybrid glutinous corn seeds, 96 na bag ng mga yellow corn seeds, at 100 bag naman ng hybrid yellow corn seeds sa sa Malabanan Sur FA sa Candelaria at Sariaya Corn FA sa Quezon, at San Pablo City Corn FA noong ika-28 ng Abril.
Maliban pa sa mga binhi na ipinamigay, namahagi rin sila ng mga fertilizer, urea fertilizer, at mga bote ng insecticide.
Samantala, nagpasalamat naman ang mga magsasaka na nakatanggap ng naturang binhi at sinabing sana’y magpatuloy pa ang tulong na ibinibigay sa mga magsasaka sa bansa.
