Pinababalik ng Commission On Audit sa mag – amang dating Vice President Jejomar Binay at dating Makati City Jun Jun Binay, ang 2.2 Bilyong Piso na ginastos sa pagpapatayo at pagdisenyo ng umano’y overpriced na Makati City Hall Parking Building.
Sa dalawang notice of disallowance na inilabas ng COA fraud audit office , hindi pinahintulutan ang 2 . 28 Billion Pesos na alokasyon para sa pagtayo ng nasabing gusali sa ilalim ng kontrata sa Hilmarc’s Construction Corporation.
Hindi rin pinayagan ng COA ang 11.97 Million Pesos contract na iginawad naman sa Mana Architecture and Interior Design Corporation para sa architectural at engineering phase.
Binigyan naman ang mga taong sangkot sa notice of disallowance ng anim na buwan para magsumite ng kanilang apela.
Sa oras naman na hindi sila makapaghain ng mosyon sa nasabing panahon, sinabi ng COA na duon pa lamang magiging “final at executory” ang desisyon.
