Naglagay na ng mga bagong FLIR thermal scanner ang Bureau of Quarantine ng Department of Health sa Ninoy Aquino International Airport para sa gitna ng panibagong banta ng MERS-CoV sa bansa.
Ayon kay Dr. Geraldyn Yangson ng Bureau of Quarantine, mas magiging accurate na ang kanilang pagtukoy sa mga pasaherong may sakit dahil sa mga bagong scanner.
Gayunman, hindi aniya nila ibinababa ang kanilang alert level sa mga paliparan upang maiwasan ang pagpasok sa bansa ng nakamamatay na sakit mula South Korea.
Samantala, dinala na sa ilang health center sa mga lalawigan ang mga lumang thermal scanner.
By Drew Nacino
