Personal na ininspeksyon ni Defense Secretary Delfin Lorenzana ang installation ng Spike ER missile system sa Multi-Purpose Attack Craft ng Philippine Navy.
Ito’y kasunod ng pagbisita ni Lorenzana ang Naval Sea Systems Command o NASSCOM sa Sangley Point, Cavite City nitong weekend.
Ayon kay Lorenzana, mahalaga ang pag-aarmas sa mga Multi-Purpose Attack Craft o MPAC para magtagumpay ang misyon ng Navy sa pagsasagawa ng interdiction, surface warfare, search and rescue operations at mabilis na pag transport ng mga tropa.
Nuong isang taon, matagumpay na sinubok ng Navy ang kanilang Spike ER Missile mula sa isa sa mga MPAC ng 3rd Boat Attack Division na nagkakahalaga ng 10 bilyong piso.
Nasa walong units ng fast attack interdiction craft missile naman ang binili ng Navy kung saan, nakatakdang dumating sa Pilipinas ang unang dalawang unit nito sa huling bahagi ng taong kasalukuyan.
