May sapat na panahon ang mga kandidato sa darating na Halalan 2022 para impluwensyahan ang mga botante na ang ‘key concern’ ay ang pagbagsak ng ekonomiya bunsod ng pandemya.
Ayon kay Stratbase ADR Institute President Dindo Manhit, mayorya ng mga botanteng pilipino ay mula sa may mababa, regular at seasonal na kita.
Nababahala rin aniya ang mga ito sa kawalan ng trabaho, kagutuman at kahirapan.
Maliban sa isyu sa ekonomiya, dapat ding pag-usapan sa forums ng mga kandidato ang kanilang mga programa para tugunan ang korapsyon at ang arbitral ruling sa West Philippine Sea.
Samantala, sinabi ni manhit na dapat tiyakin ng susunod na administrasyon na ang bansa ay may karagdagang investment para matulungan ang pribadong sektor na panatilihin ang kanilang recovery pace. – sa panulat ni Airiam Sancho
