Nasasabik na ang anak ni Pinay drug convict Mary Jane Veloso na makita na ang kanyang ina na nasa Indonesia.
Kasalukuyang nasa biyahe si Mark Daniel, 13-taong gulang, at panganay na anak ng OFW patungo sa Yogyakarta, Indonesia kung saan ito nakapiit.
Kasama ni Mark Daniel ang magulang ni Mary Jane na sina Aling Celia at Mang Cesar at ang nakababata nitong kapatid na si Mark Darren.
Hiling ni Mark Daniel, sana ay makauwi na nang tuluyan ang kanyang ina na inakusahan ng drug trafficking matapos umanong magpasok ng isang bultong heroin sa nasabing bansa.
Mananatili ang pamilya ni Mary Jane sa Indonesia hanggang sa ika- Enero 16, araw ng Sabado.
Kasama rin sa pagtungo roon ng Veloso family ang abogado ni Mary Jane na si Atty. Edre Olalia ng National Union of People’s Lawyer at ilang kinatawan mula sa grupong Migrante.
By Jelbert Perdez | Allan Francisco
(In Photo: Pamilya Veloso, habang naghihintay sa kanilang flight papuntang Indonesia, Lunes ng umaga)
*Photo from: Raoul Esperas (Patrol 45)
