Nangako ang social media giant na Facebook na tatanggalin ang mga account na may kaugnayan sa mga terorista.
Kasunod ito ng apela ng AFP o Armed Forces of the Philippines na tanggalin at imbestigahan ang higit animnapung (60) Facebook account na ginagamit ng Maute Group at mga sympathizer nito.
Ayon sa Facebook, batay sa kanilang community standard ay hindi pinayagan ang account ng mga grupo o tao na sangkot sa terrorist activity at maging ang pagpapahayag ng pagsuporta sa mga terrorista.
Handa ang Facebook na tanggalin ang post, content at maging ang mismong account ng mga lumalabag sa polisiyang ito sa oras na maipagbigay alam ito sa kanila.
Una nang sinisi ng militar ang kumakalat na mga malisyosong post na nagbibigay ng takot sa publiko at sinasamantala naman ng mga maute para makakuha ng suporta.
By Rianne Briones
Mga account na may kaugnayan sa terorista tatanggalin ng Facebook was last modified: June 13th, 2017 by DWIZ 882