Tutol si Davao City Mayor Inday Sara Duterte – Carpio sa plano ng Pambansang Pulisya na ilipat sa Caloocan City ang mga pulis-Davao.
Ito’y makaraang sibakin ng NCRPO o National Capital Region Police Office ang mga pulis-Caloocan dahil sa sunud-sunod na insidente ng patayan at nakawan na kinasasangkutan mismo ng mga alagad ng batas.
Ayon sa alkalde, kinakailangan ng Davao City ng isang malakas na puwersa ng pulisya lalo’t mas madalas doon si Pangulong Rodrigo Duterte kumpara sa Maynila.
Nauunawaan naman ni PNP o Philippine National Police Chief Director General Ronald ‘Bato’ Dela Rosa ang sentimiyento ng alkalde kaya’t patuloy ang kanyang panawagan sa mga pulis na boluntaryo nang magpa-destino sa Caloocan.
—-