Tatanggap muli ang PAGCOR ng application para sa medical financial assistance matapos nitong unang panasamantalang suspindihin nuong isang linggo.
Ipinabatid ito ni PAGCOR Vice President for Corporate Social Responsibility Group James Patrick Bondoc sa isang pulong sa House Committee on Games and Amusement.
Sinabi ni Bondoc na nagpasya silang muling tumanggap ng application subalit ang mga dokumentong isusumite ay kailangang ma-verify muna ng PCSO. Una nang naaresto ang mag-asawang nameke ng mga dokumento para makakuha ng financial assistance sa PAGCOR.
