Nadiskubre ang isang paso ng marijuana sa likod ng bahay ng isang 36- taong gulang na lalaki sa Brgy. Immayos Norte, San Juan, Ilocos Sur.
Batay sa San Juan Police Station, nakita ang tanim na Marijuana nang magsagawa sila ng inspeksyon sa lugar matapos ireklamo ng mga kapitbahay ng suspek ang mabahong amoy ng babuyan nito.
Inamin naman ng lalaki na kanya ang tanim na marijuana.
Nahaharap ang suspek sa reklamong paglabag sa Republic Act 9165 o Comprehensive Dangerous Drugs Act of 2002. - sa panunulat ni Maze Aliño- Dayundyon
