Ikinakasa na ang isang rematch game nina People’s Champ Manny Pacquiao at boxing legend Floyd Mayweather.
Ayon kay People’s Champ, malapit nang magkasundo ang kanilang kampo para sa naturang laban.
Matatandaang unang nagharap ang dalawa noong 2015 sa tinaguriang “Fight of the Century,” kung saan nagwagi si Mayweather sa pamamagitan ng unanimous decision pagkatapos ng 12 rounds.
Ayon pa sa dating senador, may balak na ang panig ni Mayweather na ayusin ang mga detalye para sa posibleng laban na gaganapin sa Las Vegas.
Idinagdag niya na matagal na niyang nais na makabawi matapos ang pagkatalo, lalo’t lumaban siya noon habang may injury sa balikat.
Samantala, nakatakda ring makaharap ni Mayweather si Mike Tyson sa isang exhibition fight, bagaman hindi pa tiyak ang petsa ng laban.—sa panulat ni Daniela De Guzman
