Inaasahang anumang oras ngayong araw ay makalalaya na si PhilHealth Spokesperson Rey Baleña matapos na arestuhin sa lungsod ng Pasig nitong Lunes, ika-5 ng Oktubre, dahil sa kasong cyber libel.
Ayon kay Pasig City Police Chief Colonel Moises Villaceran, kanila nang natanggap ang release order ni Baleña matapos na maglagak ito ng pyansa sa halagang P30,000.
Nauna rito, iginiit ni Baleña na wala itong nilabag hinggil sa pagpapakalat ng umano’y libelous materials na siyang kumalat sa email service ng PhilHealth noong nakaraang taon.