Nagkita sa Seoul, South Korea ang Filipino Boxing Legend na si Manny Pacquiao at ang KPOP star na si Sandara Park.
Sa Instagram, ibinahagi ni Pacquiao ang ilang mga larawan kasama ang asawa nito na si Jinkee at ang KPOP idol.
Pinasalamatan din ni Pacquaio si Sandara at nag-pose pa ng finger hearts at peace sign.
Nabatid na nakatakdang mag-guest sina Sandara at Manny sa isang South Korean variety show na “Knowing Bros.”
Sa isang IG story, ibinahagi rin ni Dara ang kanyang larawan kasama ang “Pambansang Kamao,” gayundin ang Korean singer na si Kim Yohan, at mga aktor na sina Yoon Hyungbin at Lee Hoo na magiging bahagi ng naturang episode.
Kasalukuyang nasa Seoul, South Korea sina Manny at Jinkee, kung saan nakipagkita rin si Pacman sa cast ng ”Running Man.”
