Sisimulan na ng Indonesia ang kanilang nationwide COVID-19 mass vaccination program sa Enero 13.
Ito ang inanunsyo ng health minister ng Indonesia kung saan bibigyan ng unang shot ng bakuna kontra COVID-19 si Indonesian President Joko Widodo kasabay ng paglulunsad ng programa sa capital na Jakarta.
Saka naman ito susundan ng pagsisimula ng pagpapabakuna sa iba pang rehiyon sa Indonesia matapos ang 2 araw.
Una nang sinabi ng Indonesian government na uunahing bigyan ng COVID-19 vaccine ang nasa 1.3-M na frontline workers sa kanilang bansa at susundan ng mga regional directors na layuning mapataas ang tiwala ng komunidad sa bakuna.
Aabot sa 3-M doses ng bakunang Coronavac na likha ng kumpanyang Sinovac ang natanggap ng Indonesia.