Umapela ang Malacañang sa mga lokal na kandidato na panatilihin ang kapayapaan, at maging mahinahon, sa oras na magsimula na ang campaign period sa local post sa susunod na linggo.
Ito ayon kay Presidential Communications Office Usec. Claire Castro ay matapos lumabas ang datos mula sa Commission on Elections na nakakita ng pagbaba sa bilang ng mga lugar sa bansa na humaharap sa election-related threats.
Batay sa COMELEC, mula 177 areas na nasa ilalim ng orange category ay nasa 156 na lamang ito; habang nasa 36 na lamang ang nasa red category, mula sa dating 38.
Ayon sa opisyal, ninanais ng administrasyon ni Pangulong Ferdinand Marcos Jr. na magtulungan ang lahat, para sa pagsusulong ng isang maayos at credible na halalan sa Mayo. —sa panulat ni John Riz Calata
