Nagsagawa ng misting operation ang lokal na pamahalaan ng Malabon kontra dengue bilang bahagi ng hakbang ng lungsod.
Layunin ng Malabon City Government na suyurin ang mga lugar na pinamumugaran ng mga lamok sa bawat komunidad.
Kabilang sa mga nagsagawa ng misting operation ang barangay ng San Agustin, Dampalit, at Catmon sa pangunguna ng health sanitation division.
Sa datos ng Department of Health (DOH), ang Malabon ang may pinakamataas na attack rate o bilang ng mga kaso sa kabuuang populasyon na naitala sa 17.69% kada 10,000 populasyon.
