Pumalo sa mahigit 5,000 ang stranded na pasahero sa mga pantalan dahil sa bagyong Lando.
Ayon sa Philippine Coast Guard, pinakamarami ang naistranded sa mga pantalan ng Maynila, Batangas at Cebu.
Bukod sa 69 na barko, hindi rin pinayagang lumayag sa karagatan ang may 48 motor banca gayundin ang mahigit 500 rolling cargos.
Batay naman sa abiso ng PAGASA, nakataas ang gale warning sa lahat ng seaboards ng Luzon gayundin sa Eastern Seaboards ng Visayas kaya’t pinapayuhan ang lahat ng mga sasakyang pandagat na huwag nang pumalaot.
By: Jaymark Dagala
