Nakumpiska ng NCRPO o National Capital Region Police Office ang mahigit sa 30,000 pisong halaga ng mga iligal at walang permit na mga ibinibentang paputok sa Divisoria.
Kasunod ito ng ikinasang inspeksyon ng NCRPO sa pangunguna ni Police Director Guillermo Eleazar sa mga tindahan ng mga paputok sa Divisoria, tatlong araw bago ang bagong taon.
Una nang ipinalabas ng Philippine National Police ang listahan ng mga iligal na paputok tulad ng piccolo, watusi, super lolo o lolo thunder, atomic triangle, judas belt, bawang, pillbox, boga, kwiton, goodbye earth, goodbye bading, hello columbia, coke-in-can, kabasi at iba pang mga paputok na walang pangalan.
Batay sa Republic Act Number 7183 o batas na nagreregulate sa pagbebenta, paggawa at paggamit ng paputok, papatawan ng aabot sa 20,000 hanggang 30,000 piso multa at pagkakakulong ng anim hanggang isang taong pagkakakulong ang mga mahuhuli lalabag.
Habang kanselasyon ng lisensya at business permits naman ang karagdagang parusa sa mga mahuhuling nagbebenta ng mga iligal na paputok.