Naisumite na kina Justice Secretary Menardo Guevarra at Interior and Local Government Eduardo Año ang inamyendahang Implementing Rules and Regulation (IRR) ng RA 10592 o Good Conduct Time Allowance Law (GCTA).
Ayon kay DOJ Spokesman, Undersecretary Markk Perete, pag-aaralan na nina Guevarra at Año ang nabanggit na amended IRR at oras na maaprubahan ay maaari nang gamitin.
Sinabi ni Perete, nakalista na sa nirepasong IRR ang mga convicts na diskuwalipikado para sa dalawang uri ng GCTA. Ang GCTA for preventive imprisonment at GCTA sa conviction.
Dagdag ni Perete, binigyang linaw na rin sa amended IRR ang kahulugan ng heinous crimes gayundin ang paglalagay ng transparency provisions.
Kaugnay nito, magkakaroon aniya ng pagpupulong bukas para talakayin ang inamyendahang IRR na posibleng maging epektibo oras na maaprubahan at matapos ang 15 araw na mailathala ito sa mga pahayagan.