Aabot pa sa higit 20 mga ahensya ng pamahalaan ang hindi pa naisasalang sa budget deliberation sa plenaryo ng kongreso makaraang i-terminate at aprubahan ang panukalang budget para sa susunod na taon.
Ani Deputy Minority Leader Carlos Zarate, nasaalang-alang ang pagbusisi sa mga budget ng ilang ahensya dahil lang sa nagaganap na giriin sa liderato sa Kamara.
Paliwanag pa ni Zarate, walang ibang makikinabang sa nagaganap ngayon sa Kamara kung hindi ang Palasyo para lumusot ang mga nakalagay sa paggagamitan ng pondo sa susunod na taon.
Mababatid na kabilang sa mga ahensyang hindi naisalang sa plenaryo ay ang mga sumusunod: DENR, DFA, DSWD, DPWH, DOTr, DAR, DepEd, DICT, DOH, COMELEC, at DILG.
Kung si ACT-Teachers Partylist Representative France Castro naman ang tatanungin, walang iba kung hindi, taong bayan ang mga ninakawan ng kongreso ng kanilang karapatang makapagtanong hinggil sa pondo ng mga nabanggit na ahensya.
Gayundin ang pananaw ni Kabataan Partylist Representative Sarah Elago, aniya, nasapawan ng girian sa liderato ng Kamara ang tunay isyung kinakaharap ng publiko dahil sa pandemya.
