Pumalo sa mahigit 192,000 mga jobseekers ang nabiyayaan ng trabaho sa ilalim ng isinagawang jobs fair ng DOLE o Department of Labor and Employment ngayong taon.
Ito ang ipinagmalaki ni Labor Secretary Silvestre Bello III sa inilabas na ulat ng kagawaran para sa taong kasalukuyan na layong mapababa ang antas ng mga walang trabaho sa bansa.
Ngayong taon ayon Bello, mahigit 2,000 ring mga kabataang mag-aaral at out of school youth ang kanilang natulungan para makapasok sa special program for employment of students program.
Sa kabila nito, inamin ni Bello na kailangan pa rin ang ibayong pagpapaigting sa kampaniya upang mas marami pang mga Pilipino ang magawaran ng trabaho sa pagpasok ng susunod na taon.
