Ikinalungkot ng Alliance of Concerned Teachers (ACT) Philippines ang pagbitiw ng ilang guro sa serbisyo upang maghanap ng mas magandang oportunidad sa trabaho sa ibang bansa.
Ibinalita ni ACT spokesperson Ruby Bernardo ang natanggap nitong ulat na mahigit 100 guro mula sa Compostela, Cebu at Cebu City ang ngayon ay pinoproseso na ang kanilang mga clearance para sa pag-alis sa bansa.
Inilunsad naman ng mga guro at paaralan sa ilalim ng ACT Philippines ang Salary Grade 15 na human formations na layong ipakita ang agarang pangangailangan ng mga guro para sa pag-upgrade ng kanilang mga antas ng suweldo habang dumarami ang mga guro na umaalis sa serbisyo.
Samantala, habang ipinagdiriwang naman ang National Teacher’s Month sa bansa, nanawagan ang grupo sa Administrasyong Marcos na lutasin ang gusot sa sektor ng edukasyon. —sa panulat ni Hannah Oledan