Hindi itinuturing ni Philippine National Police-Criminal Investigation and Detection Group (PNP-CIDG) Director Benjamin Magalong na kuwalipikado ang sarili para maging susunod na PNP Chief.
Lumutang ang pangalan ni Magalong sa posibleng italagang hepe ng PNP dahil sa matapang na pahayag nito kaugnay sa Mamasapano encounter.
Sinabi ni Magalong na ang media lang naman ang nagsasabing isa siyang contender sa pagka-PNP Chief.
Aminado si Magalong na mas maraming qualified sa kaniya para maging pinuno ng PNP at kailangan pa niya ng 1 star rank upang ma-qualify dito.
Si Magalong ay miyembro ng PMA Class 1982 at nakatakdang mag-retiro sa December 2016.
By Judith Larino | Cris Barrientos (Patrol 21)