Aminado ang Commission on Elections (COMELEC) na posibleng ang mababang kalidad ng mga SD cards ang dahilan ng pagpalya nito.
Ayon kay Comelec Commissioner Marlon Casquejo, isa lamang ito sa mga dahilan ng mga aberya nuong eleksyon.
Sinabi ni Casquejo na sumunod lamang sila sa procurement law kung saan ang lowest bidder ang dapat na kuning supplier.
Maaari rin anyang nagkaroon ng epekto ang pag-upgrade ng vote counting machines (VCMs) at ang matagal na pagkaka-imbak ng mga makina.
So we’re going to investigate after this elections kung ano ba talaga ‘yung naging cause ng pagiging defective SD cards. So we will try to look into that and then papanagutin natin kung sino ‘yung may ano talaga, ‘yung cause talaga, If it’s the low quality of the SD card then we will not pay the provider of the SD card. And the good thing about this since we are expecting this, we intensify ‘yung sinasabi nating regional technical hub, our RTH.” ani COMELEC Commissioner Marlon Casquejo.
Tiniyak naman ni Comelec Chairman Sheriff Abbas na papanagutin nila ang mga supplier kung may makikita silang paglabag sa nilagdaan nilang kontrata.
Ayon kay Abbas, isa sa nakita nilang diperensya ngayong eleksyon ay ang iba’t ibang supplier ng mga gamit tulad ng VCM, SD card, marking pens at iba pa.
Kaibahan nito ngayon sa 2016, in 2016 bundled ‘yung aming bidding, ibig sabihin isang supplier lang ang nagsupply ng makina, ng marking pen, ng papel, and SD cards, Smartmatic lang lahat ‘yon, so bundled ‘yon. Nu’ng 2016, after 2016, humingi kami ng budget sa DBM, so ang nabigay sa ‘min is ‘yung OTP, e, ‘yung option to purchase, kaya nabili natin ‘yung 2016 makina. Ang problema sa OTP is unbundled ‘yung ibang component. So, ngayon, iba ang supplier ng SD cards, iba rin ang suppliers ng papel, and marking pen.” Paliwanang ni COMELEC Chairman Sheriff Abbas.
with report from Cely Ortega-Bueno (Patrol 19)
COMELEC chairman Abas humingi ng pang-unawa at paumanhin sa publiko
Humingi ng pang-unawa at paumanhin si COMELEC chairman Sheriff Abas sa publiko.
Kasunod ito ng mga naranasang aberya at mga pumalpak na election paraphernalias sa katatapos pa lamang na halalan.
Batay sa report ng COMELEC, umabot sa 961 vote counting machine (VCM) ang pumalpak sa eleksyon kahapon.
Higit na mataas anila ito sa 281 na mga nagka-aberyang VCM noong 2016 election.
Samantala, nasa 1,655 namang mga SD cards ang hindi gumana sa ginanap na halalan kahapon.
Napakataas anila ito mula sa 120 nasirang SD cards noong nakaraang eleksyon.
sa panulat ni Krista De Dios