HANDA na ang Lung Center of the Philippines o LCP sa Quezon City sakaling magkaroon muli ng COVID-19 surge sa Pilipinas.
Ayon kay Lung Center spokesperson Dr. Norberto Francisco, ang ospital ay mayroong tinatawag na “advanced strategy plan” kapag tumaas muli ang mga naitatalang kaso dulot ng banta ng bagong Omicron variant.
Nakaranas na aniya sila ng katulad na senaryo noong nakaraang taon kaya’t hindi na ito bago para sa kanila.
Matatandaang nagpahayag na rin ng kahandaan ang Phil. General Hospital o PGH sa posibleng pagsirit muli ng mga kaso ng COVID-19 sa bansa dulot ng bagong variant.
