Sinuspinde ng 90 araw ng Land Transportation Office (LTO) ang drivers license ng isang jeepney driver matapos sagasaan ang isang babae sa Parañaque City.
Nabatid na nag-viral sa social media ang insidente kung saan patawid ng pedestrian lane ang babaeng nagtamo ng injury nang sagasaan ito ng rumaragasang jeep.
Inamin naman ng drayber na si Leonilo Aque ang pangyayari na naganap noong nakaraang buwan.
Iginiit din nito na hindi niya agad natapakan ang break at nagresulta sa naturang insidente.
Samantala, sinabi ni LTO Chief Jose Arturo Tugade na ang kanilang ginawang hakbang ay magsisilbing aral sa lahat ng mga motorista na maging maingat sa kalsada.
