LTFRB nanindigan na di magpapa-apekto sa on-line petition ng mga TNC

Nanindigan ang Land Transportation Franchising and Regulatory Board na hindi ito magpapa-apekto  sa   online petition na humihirit na tanggalin na ang July 21 order na nagbabawal sa   mga Transport Network Company tulad ng Grab at Uber na tumanggap ng mga bagong driver.

Ang petisyon na sumusuporta sa  Grab at Uber ay nakapangalap na ng nasa 50,000  lagda makaraang umani ng batikos sa social media ang sinasabing desisyon ng L.T.F.R.B.

Ayon kay L.T.F.R.B. Board member at Spokesperson, Atty. Aileen Lizada,   wala pa silang   inilalabas na kautusan laban sa mga  colorum na T.N.C. lalo sa mga Grab at Uber driver na walang lisensya.

 Dapat anyang ipaliwanag muna ng mga nasabing  T.N.C. kung bakit pinayagan nilang pumasada ang ilan sa kanilang unit nang walang kaukulang mga permit.

Sa katunayan ay hindi muna manghuhuli ang L.T.F.R.B. ng mga undocumented Grab at Uber driver  hanggang  Hulyo 26 upang magkaroon ng panahon ang mga T.N.C. na ayusin ang kanilang problema.

Ibinabala naman ni  Lizada na kung mabibigo ang Grab at Uber na sumunod sa regulasyon o lumampas sa itinakdang petsa, malalagay sa alanganin ang kanilang mga  accreditation.

By: Drew Nacino  

Comments

comments