Patuloy paring binabantayan ng Pagasa weather bureau ang super typhoon Henry na huling namataan alas-diyes kagabi sa layong 380 kilometers silangan ng Itbayat, Batanes.
Ayon kay Pagasa weather specialist Bennison Estreja, ang bagyong Henry ay may lakas ng hanging aabot sa 185 kilometers per hour at pagbugsong aabot sa 230 kilometers per hour.
Mabagal ang pagkilos ni bagyong Henry habang patungo sa bahagi ng timog ng bansa sa bilis na 10 kilometers per hour.
Apektado ng bagyo ang Batanes at Babuyan Island na patuloy na makakaranas ng mga pag-ulan, pagkulog at pagkidlat dahil narin sa southwest monsoon at hanging habagat.
Simula bukas, inaasahang aakyat ang bagyo pahilagang bahagi ng bansa at posible itong humina sa susunod na 24 na oras.
Posible ding magtungo si bagyong Henry pahilaga at inaasahang lalabas ng bansa sabado ng gabi.
Patuloy namang nagpaalala ang pagasa na doblehin ang pag-iingat at panatilihin ang pagdadala ng payong bilang panangga sa biglaang pagbuhos ng ulan at matinding sikat ng araw.