Mananatiling bukas ang tanggapan ng Land Transportation Franchising and Regulatory Board hanggang August 21 para tumanggap ng aplikasyon ng special permit (SP).
Ito’y para sa mga rutang binuksan ngayong pasukan.
Bilang paghahanda sa pagbubukas ng klase sa Lunes, inilabas ng LTFRB ang memorandum circular kung saan binuksan ang 33 na ruta ng Public Utility Bus (PUB), 68 ruta ng Public Utility Jeepney (PUJ), at 32 ruta ng UV Express (UVE).
Para makabiyahe ang mga Public Utility Vehicle (PUV) driver at operator sa mga naturang ruta, kasama sa requirement ang pagkuha ng SP kung may existing at valid na Certificate of Public Convenience (cpc) ang operator.
Samantala, maaari namang tumawag sa LTFRB 24/7 hotline: 1342 o mag-send lang ng message sa LTFRB official Facebook page o magtungo sa official website ng LTFRB kung may mga katanungan ang publiko.
