Hinuli sa Comelec Checkpoint Operation sa Quarantine control point sa Las Piñas City ang isang lalaking walang suot na facemask na nakuhanan pa ng baril at droga.
Kinilala ang suspek na si Jumar Bohol, 30-anyos na residente sa Guyabano Dulo, barangay Talon Singko, Las Piñas City.
Nakuha sa suspek ang isang cal. 38 revolver na may dalawang bala at 1.9 gramo ng hinihinalang shabu na nagkakahalaga ng halos P13K.
Nakakulong na sa Custodial Facility ng Las Piñas City Police Station si Bohol na sasampahan ng mga kasong paglabag sa RA 9165 o Comprehensive Dangerous Drugs Act of 2002, RA 10591 in relation to Omnibus Election Code at City Ordinance 1689-20 o ang No Facemask.
