Nasawi ang isang lalaki sa Marilao, Bulacan matapos barilin ng mga otoridad dahil sa tuloy-tuloy na pambubugbog sa kaniyang anak.
Sa ulat na nakarating kay acting Bulacan Police Director, Col. Charlie Cabradilla, kinilala ang suspek na si Fredie Lontayao na namatay sa insidenteng naganap sa Barangay Sta. Rosa 2.
Hindi umano sumunod sa mga pulis si Lontayao na itigil na ang pananakit.
Tinangka pang atakihin ng kutsilyo ng lalaki ang mga pulis kaya binaril na nila ito.
Dumipensa naman ang isang pulis sa kaniyang pagbaril sa suspek at sinabing dinipensahan niya lang ang kaniyang sarili.
Narekober sa insidente ang kitchen knife na ginamit ni Lontayao.