Hawak na ng National Bureau of Investigation (NBI) ang sinumpaang salaysay ng tatlong saksi sa nangyaring malagim na engkuwentro sa pagitan ng Philippine Drug Enforcement Agency (PDEA) at Philippine National Police sa Quezon City noong isang linggo.
Ito ang kinumpirma ni NBI Spokesperson Atty. Ferdinand Lavin makaraang isailalim sa forensic examination ang labi ng apat na nasawing tauhan ng pulisya at PDEA kahapon.
Kasunod nito, umaasa ang NBI na mapagtatagpi-tagpi na nila ang mga ebidensya na makapaglalahad ng tunay na pangyayari kung bakit humantong sa madugong barilan ang dapat sana’y buy bust operations ng dalawang ahensya.
Pagtitiyak naman ni Lavin, mabusisi ang ginagawa nilang imbestigasyon at reresolbahin ang kaso sa lalong madaling panahon ng patas at walang kinikilingan.
