Patay ang pangulo ng Association of Barangay Captains (ABC) matapos pagbabarilin sa loob ng isang casino sa Bauang, La Union.
Ayon sa mga otoridad, nasa loob ng isang e-casino at naglalaro ng slot machine ang biktima na kinilalang si Noel Gallardo, barangay captain ng Pagdalagan Sur nang pagbabarilin ng suspek na nakilala namang si Jeffrey Escobal.
Nabatid na sa bibig binaril si Gallardo subalit tumagos ang bala sa kaniyang batok.
Ang biktima ay isinugod sa Ilocos Training and Regional Medical Center sa bayan ng San Fernando subalit nasawi rin makalipas ang dalawang oras.
