Pinasisiyasat ni Congressman John Bertiz ang kontratang pinasok ng LTO o Land Transportation Office para sa paggawa ng mga plaka o motor vehicles license plate.
Ayon kay Bertiz, hindi dumaan sa tamang proseso ng bidding ang isang bilyong pisong (P1-B) halaga ng kontrata.
Bukod dito, hindi din aniya makikita sa GAA o General Appropriations Act ang pondong pambili ng mga plaka ng sasakyan.
Sinabi ni Bertiz na hindi din nasunod ng LTO ang panuntunan na dapat isagawa ang bidding sa loob ng apatnapu’t limang (45) araw matapos itong ipalathala.
