Maaaring makapagsimula ng klase ang mga pribadong paaralan bago ang Oktubre 5 na itinakda ng Department of Education (DepEd) bilang bagong petsa ng pagsisimula ng pasukan.
Sa ipinalabas na abiso ng DepEd, kanilang nilinaw na maaaring magpatuloy sa kanilang klase ang mga private at non- DepEd schools na nagkapagsimula na.
Dagdag ng DepEd, may opsyon din ang mga ito na magbukas ng klase sa Agosto 24 o anumang petsa bago ang Oktubre 5 basta’t matitiyak na walang face-to-face o pisikal na pagpasok sa paaralan.
Ayon sa DepEd, kinakailangan lamang magsumite ng paaralan ng ilang mga dokumento sa regional director alinsunod sa DepEd order number 7 series of 2020, DepEd order number 13 series of 2020 at DepEd order number 17 series of 2020.
