Ibinasura ng Malakanyang ang panawagang gawing special prosecutor sa impeachment laban kay Chief Justice Maria Lourdes Sereno ang Pangulong Rodrigo Duterte.
Ayon kay Presidential Chief Legal Counsel Atty. Salvador Panelo, labag sa konstitusyon kung tatanggap ng ibang trabaho ang Pangulo ng bansa.
Naniniwala si Panelo na gusto lamang i-complement ni Atty. Larry Gadon ang Pangulo na dating prosecutor bago pumasok sa pulitika.
Matatandaan na sinabi ni Gadon na hihilingin niya sa Kongreso na bigyan ng otorisasyon ang Pangulo para maging special prosecutor sa impeachment case laban kay Sereno.
Si Gadon ang naghain ng impeachment laban kay Sereno.