Handa ang kongreso na buwagin ang Road Board alinsunod sa panawagan ni Pangulong Rodrigo Duterte.
Ito, ayon kay House Majority Floor Leader at Camarines Sur 1st District Representative Rolando Andaya ay sa oras na magbalik-sesyon at mag-convene ang Mataas at Mababang Kapulungan sa bicameral conference committee sa Enero 14.
Magtatalaga aniya ang Kamara ng mga miyembro sa bicameral conference sa unang sesyson ngayong Bagong Taon.
Malinaw aniya ang pahayag ni Pangulong Duterte sa kaugnay sa paraan upang buwagin ang Road Board.
Una na nang inihayag ng Pangulo sa press briefing sa Pili, Camarines Sur kaugnay sa bagyong Usman na nais niyang gamitin ang bilyun-bilyong pisong pondo mula sa Road User’s Tax upang matulungan ang mga biktima ng kalamidad.
—-
