Nag anunsyo na ng suspensyon ng pasok ang lokal na pamahalaan ng Davao sa lahat ng lebel ng klase sa pampubliko at pribadong paaralan sa lungsod mula December 21 hanggang December 23 bunsod ng pagpasok ng bagyong Vinta.
Bagaman hindi sakop ng naturang suspensyon ang mga trabaho ay hinimok din ng pamahalaan ng lungsod ang mga kumpaniya na maghanda ng plano para sa kanilang mga empleyado.
Samantala, inihanda na rin ng mga bus at truck na magbibigay serbisyo sa mga posibleng ma-stranded dahil sa sama ng panahon.
Inalerto na rin ng lokal na pamahalaan ng Davao ang mga residente sa mga lugar na karaniwang binabaha at kung posibleng magkaroon ng landslide na lumikas agad kung kinakailangan.