Napilitan ang pamahalaang panglungsod ng Baguio na magkansela ng klase mula pre-school hanggang high school mula kahapon hanggang ngayong araw.
Ito’y para maibsan ang malalang daloy ng trapiko sa lugar bunsod ng pagdagsa ng mga bakasyunista mula Maynila na umiiwas sa abalang dulot ng ASEAN Summit.
Gayunman, umaaray ang mga residente ng Baguio dahil sila naman ang sumasalo ng perhuwisyong idinulot ng ASEAN Summit na ginawa sa Metro Manila.
Kasunod nito, aminado ang Department of Tourism sa Baguio City na hindi nila inaasahan ang pagdagsa ng mga bakasyunista ngunit maayos naman anila itong napangasiwaan.
SMW: RPE
