Agad na nagpaliwanag ang reality star na si Kim Kardashian kaugnay sa kumakalat na mga espukalasyon na siya ay gumagamit ng cocaine.
Nag-ugat ang isyu sa social media post ni Kim kung saan nakita sa lamesa ng kanilang bahay na may tila puting pulbos na nakalagay.
Sa loob lamang ng dalawamput apat (24) na oras mula nang lumabas ang video ay agad na nag viral ito.
Dahil dito muling gumawa ng video ang sikat na Kardashian at kinuhanan ng malapitan ang lamesang pinag-uusapan.
Nilinaw niya na disenyo lamang iyon ng marmol at hindi pulbos ng pinagbabawal na gamot.
- Arianne Palma
