Arestado ang isang hinihinalang miyembro ng New People’s Army (NPA) na may patong na P700,000 sa kaniyang ulo sa Brgy. Pinagbuhatan sa Pasig City.
Kinilala ni National Capital Region Police Office (ncrpo) Chief P/Mgen. Debold Sinas ang naaresto na si Esteban Sergio Sales alyas Waldo.
Nabatid na si Sales ay miyembro ng executive committee ng Kilusang Larangang Guerilla, Bicol Region Party Committee at komite seksyon sa iskwad.
Kasalukuyang nahaharap sa kasong murder si Sales matapos nitong paslangin ang isang nagbalik loob na dating kadre na si German Berunga noong 2000 sa Sitio Intramuruz, Brgy. Panaytayan sa Ragay, Camarines Sur.
Kasalukuyan nang hawak ng Pasig City Police si Sales upang isailalim sa proper documentation at booking gayundin ang paghaharap sa kanya sa korte dahil sa kaniyang kaso.