Tiniyak ng pamahalaan na lahat ng kikitain mula sa auction ng mga nasabat na mamahaling sasakyan ng mga Discaya ay diretso at buo nitong ire-remit sa kaban ng bayan.
Ayon kay Bureau of Customs spokesman Chris Bendi jo, malinaw ang mandato ni Commissioner Ariel Nepomuceno na isandaang porsyento ng proceeds ng pagsusubasta ay agad idadaan sa Department of Finance at ihahain sa Bureau of Treasury.
Iginiit din ni Bendijo na hindi BOC ang gagastos o magtatakda kung saan gagamitin ang pondo.
Paliwanag pa niya, mandato ng ahensya na tiyaking maibabalik ito sa tamang pondo ng pamahalaan para magamit sa mga programang pampubliko.
Kasabay nito, nagpasalamat din ang opisyal sa pagkakataong maipakita sa publiko ang reporma sa aduana, kabilang ang livestreaming ng auction, bilang hakbang tungo sa transparency at integrity.
Nangako rin ang BOC official sa publiko na tuloy-tuloy ang kanilang pagsisikap upang maibalik ang tiwala ng mamamayan sa kanilang ahensya.
