Aminado ang Department of Justice na malaki ang maitutulong ng paggamit ng body camera ng mga pulis sa tuwing magkakasa sila ng operasyon laban sa krimen at iligal na droga.
Ito ang binigyang diin ni Justice Sec. Menardo Guevarra kasunod ng nagpapatuloy na review ng korte suprema hinggil sa guidelines ng paggamit ng mga body camera ng pulisya.
Tiwala si Guevarra na sa pamamagitan ng mga body camera ay makikita ng publiko ang tunay na mga tagpo sa tuwing ginagampanan ng mga pulis ang kanilang mandato at upang maiwasan ang anumang uri ng pang-aabuso.
“Kailangan din ng sort of some guideline na baka supreme court ang proper authority ah hindi ko pa lang alam sa ngayon kung ano ang exact status ang alam ko nga ay humiling ng guidelines sa supreme court knowing the supreme court Im sure binigyan nila ng priority ang ganitong klaseng bagay kung kinikilala ako dito sa peace and order at ang pag-maintain ng rule of law.” Pahayag ni DOJ Sec. Menardo Guevarra