Binabantayan ng VACC o Volunteers Against Crime and Corruption ang katuparan ng mga pangako ni bagong Philippine National Police (PNP) Chief Director General Ricardo Marquez.
Ayon kay Arsenio Evangelista, isa sa Board of Trustees ng VACC, nais nilang bigyan pa ng sapat na panahon si Marquez dahil halos isang buwan pa lamang itong nauupo bilang hepe ng PNP.
Pinuna ni Evangelista na maganda ang pangako ni Marquez na back to basics para sa PNP subalit tila ngayon pa lamang ay may kakulangan na sa implementasyon.
Binatikos rin ni Evangelista ang ginawang pagbawi ng PNP sa nauna nilang pahayag na tumaas ng 50 percent ang bilang ng major crimes na nangyayari sa bansa.
“Maganda ‘yung approach yung Oplan Sibat pero hindi ma-implement sa mga crime prone areas, wala akong makita in the morning na police visibility, lately hindi ko maramdaman.” Pahayag ni Evangelista.
By Len Aguirre | Ratsada Balita
