Tukoy na ng Philippine National Police (PNP) ang may-ari ng TikTok account na hayagang nagbanta sa buhay ni dating Senador at Presidential aspirant Ferdinand “Bongbong” Marcos Jr.
Ito ang kinumpirma ni PNP Chief P/Gen. Dionardo Carlos sa kaniyang ipinatawag na pulong balitaan sa Kampo Crame ngayong Lunes.
Gayunman, hindi pinangalanan ni Carlos ang taong nasa likod ng naturang account upang hindi aniya makaapekto sa nagpapatuloy na imbestigasyon.
Paliwanag niya, nagsasagawa sila ng digital trail na siyang gagamitin nila sa pagsasampa ng kaso gayundin ay para sa aplikasyon ng warrant of arrest sa korte.
Samantala, sinabi ng PNP Chief na maliban sa nakababatang Marcos ay wala pa namang ibang kandidato ang lumalapit sa kanila dahil sa umano’y banta sa kanilang buhay.
