Nakapagtala ang Pilipinas ng mahigit 7,000 bagong kaso ng Covid-19 sa bansa.
Batay sa inilabas na datos ng Department of Health (DOH), na sa 7,689 ang bagong kaso kung saan nasa 3,601,471 na ang kabuuang kaso ng Covid-19 sa bansa.
Habang nasa 136,436 naman ang aktibong kaso ng virus sa Pilipinas.
Nasa 3,410,821 naman ang kabuuang bilang ng mga gumaling sa Covid-19 matapos na madagdagan ng 22,539.
54,214 naman ang bilang ng mga nasawi sa Covid-19 matapos na maitala ang isa na panibagong nasawi sa virus.
Samantala, nasa 6 namang laboratoryo ang hindi nakapagpasa sa covid-19 document repository system. —sa panulat ni Kim Gomez
