Binigyan na ng final briefing si Pangulong Rodrigo Duterte kaugnay sa nakatakda nitong pagdalo sa 29th Association of Southeast Asian Nation o ASEAN Summit sa Laos sa September 6 hanggang 8.
Ayon sa Palasyo, si Director Zaldy Patron ng Office of ASEAN Affairs ng Department of Foreign Affairs ang nagbigay ng briefing sa Pangulo na ginawa sa Malacañang.
Bago magtungo sa Laos ay tutulak muna ang Pangulo sa Brunei para sa state visit sa September 4 habang panghuli ang biyahe sa Jakarta, Indonesia sa September 8 hanggang 9.
Magugunitang inihayag noon ng Pangulo na hangga’t maaari ay ayaw nitong bumiyahe sa labas ng bansa dahil marami itong mga problemang dapat harapin sa Pilipinas.
By Drew Nacino | Aileen Taliping (Patrol 23)
