Dumating na sa Pilipinas ang isang milyong doses ng Sinovac COVID-19 vaccines kaninang umaga.
Lulan ng Cebu Pacific flight 5J 671 lumapag sa NAIA terminal kaninang alas-7:35 ang mga bakuna.
Ang mga Sinovac vaccine na binili ng gobyerno sa China ay sinalubong ni Vaccine Czar Carlito Galvez Jr. at iba pang opisyal mula sa Department Of Health.
Dinala ang mga bakuna sa cold storage facility sa Marikina.
Samantala, sinabi ng DOH na inaasahan pa ang pagdating ngayong buwan ng nasa 10 milyong bakuna mula sa iba’t ibang manufacturer.
